Nakigtagbo ang presidente sa Olympic Council of Asia (OCA) nga si Sheikh Joaan bin Hamad Al-Thani kang Presidente Ferdinand Marcos Jr. sa Malacañang aron pagsiguro nga malinawon ang pagpahigayon sa 2028 Asian Beach Games (ABG) sa Sugbo.
Gawas sa pag-host, si Philippine Olympic Committee president Abraham “Bambol” Tolentino niingon nga ang pagpalig-on sa sports cooperation gituki usab aron mas molawom pa ang programa sa nasud.
Matod ni Tolentino gihisgotan ni Sheik Al Thani ug Presidente Marcos ang kamahinungdanon sa kooperasyon sa natad sa sports dugang pa sa suporta sa pag-host sa maong event
Kauban ni Tolentino sa tigom si Philippine Sports Commission chairman Patrick Gregorio. Pormal nga gitugyan sa Pilipinas ang katungod sa pag-host sa Asian Beach Games sa usa ka seremonyas nga gipahigayon sa miaging semana sa Sanya, China.
Gitakda ang ikapitong edisyon sa Asian Beach Games ipahigayon gikan Marso 7 hangtod 16 sa 2028
Dugang ni Tolentino nga si Sheik Al Thani usab nakighisgot uban sa Presidente kon sa unsang paagi sa pagpalig-on sa kooperasyon sa sports development, lakip na ang mga atleta nga pagbansay, institusyonal nga kolaborasyon ug mga oportunidad alang sa Pilipinas sa pag-host sa umaabot nga regional ug internasyonal nga kompetisyon
Kahibaloan nga si Sheik Al Thani nailhan usab nga maoy presidente sa Qatar National Olympic Committee.
Photo Courtesy: POC
