Tungod sa strict decency laws nga gipatuman sa China, ang mga babaye gibawalan nga magmodelo sa online selling ug karon mas gipili na lamang sa mga online seller nga lalaki ang mahimong modelo.
Ang mga negosyante online, naghired ug mga lalaki nga maoy magsul-ob sa mga pambabaye nga outfit. Makita sa ilang livestream nga ang mga lalaki nagsul-ob og sleep dresses, nighties ingon man mga bra.
Tungod niini, nakaani ug lain laing reaksyon sa social media ang maong buhat. Gani ang uban miingon nga makalingaw daw kuno gumikan cute nga makita ang mga lalaki nga magsuot ug pambabaye. Ang uban miingon nga dili kuno disente gumikan murag dili seryuso ang mga mamaligyaay.
Bisan paman niini, ang maong buhat nagpakita sa diskarte sa mga negosyante nga kung unsaon nila pagkuha ug customer online. Sumala pa nila bisan paman nga adunay negatibo nga reaksyon, padayon gihapon sila sa paghimo niini basta anaa lamang sa legal nga pamaagi.
Photo Courtesy: A.V FactStories
