Nanguna sa listahan sa mga ahensiya sa gobyerno nga dunay labing daghang reklamo sa bulan sa Marso ang Land Transportation Office (LTO) ug Social Security System (SSS), matod sa Anti-Red Tape Authority (ARTA).
Base sa datus sa ARTA, niabot sa 152 ang kinatibuk-ang ihap sa mga reklamo nga ilang nadawat, diin 132 niini ang nasulbad na ug 20 ang nagpabiling aktibo. Samtang, ang SSS nakatala og 156 ka mga reklamo, diin 112 niini ang nasulbad na ug 44 ang pending pa.
Sumala pa kay ARTA Secretary Ernesto Perez, kasagaran sa mga reklamo may kalabutan sa mga delay sa serbisyo, dugang nga kinahanglanon ug paglapas sa Citizen’s Charter.
Giinsistir ni Perez, ang ARTA nagpadayon sa pagpakigsulti sa mga ahensya aron mapauswag ang ilang serbisyo ug makunhuran ang red tape.
Lakip usab sa adunay daghang reklamo ang Bureau of Internal Revenue (BIR), Food and Drug Administration (FDA), Land Registration Authority (LRA), Philippine Statistics Authority (PSA), Department of Education (DepEd), National Telecommunications Commission (NTC), Department of Migrant Workers (DMW), Professional Regulation Commission (PRC), Department of Human Settlements and Urban Development (DHS), Department of Human Settlements and Urban Development (DHS).
Sa bahin sa Government-Owned and Controlled Corporations (GOCCs), lakip sa labing daghang reklamo mao ang Pag-IBIG Fund, Philippine Health Insurance Corporation, Philippine Postal Corporation, Landbank of the Philippines, ug GSIS.
Bisan pa, giingon sa ARTA nga kadaghanan sa mga reklamo dali nga giaksyonan kung ipasa sa mga hingtungdan nga ahensya, ug nagreport usab sa daghang porsyento sa mga kaso nga nasulbad.
Dugang pa sa ahesnya, nga ang gidaghanon sa mga reklamo dili lamang timailhan sa inefficiency kon dili may kalabutan usab sa gidaghanon sa mga transaksyon nga gidumala sa maong mga buhatan.
Photo Courtesy: Rappler
