Nagpabilin nga walay kapildihan si Naoya Inoue human niya mapildi si Junto Nakatani pinaagi sa unanimous decision sa ilang superfight sa Tokyo Dome.
Atubangan sa kapin 55,000 ka fans, napreserbar ni Inoue ang iyang 33-0 nga rekord ug napadayon ang iyang undisputed super bantamweight titles, samtang nahatagan og unang kapildihan si Nakatani.
Sulod sa 12 ka rounds nga hugot nga panagsangka, nakapahimulos si Nakatani sa iyang taas nga reach sa sinugdanan, apan nakabalos si Inoue pinaagi sa tukmang mga suntok nga mipabor kaniya sa scorecards sa mga hurado, 116-112, 115-113, ug 116-112.
Apan labaw sa tanan, gipasiugda ni Inoue nga dako kaayo ang iyang gibating kahupayan human sa laban, ilabi na tungod sa dako nga pressure sa maong duwa.
Bisan napildi, giila ni Nakatani ang kahusayan sa iyang kontra, samtang nagpabilin ang respeto tali sa duha ka boksingero sa tibuok engkwentro.
Photo Courtesy: Boxing Scene
