Nipagawas og advisory ang Department of Tourism (DOT), nga nag-awhag sa publiko nga i-postpone ang non-essential travel sa mga lugar duol sa Mayon Volcano tungod nagpabilin kini sa Alert Level 3 hinungdan nga nagpadayon ang volcanic unrest.
Matod sa ahensya, hugot nga gidili ang pagsulod sa 6-kilometer Permanent Danger Zone, tungod sa hulga sa delikadong kalihokan sa bulkan.
Natala usab ang Ashfall sa pipila ka bahin sa Albay lakip na ang Guinobatan, Camalig, Daraga, ug Ligao City, samtang nagpadayon ang lava effusion, rockfall, volcanic earthquakes, ug pyroclastic density currents o uson.
Gitambagan usab sa ahensya ang mga biyahedor, nga kumpirmahon una ang mga bookings ug schedules ug sundon lamang ang opisyal nga abiso sa Philippine Institute of Volcanology and Seismology (Phivolcs), lokal nga kagamhanan ug sa Tourism Department.
Niinsistir ang DOT, nga ang kaluwasan sa mga turista ug mga trabahante sa turismo nagpabilin nga prayoridad niini samtang nagpadayon kini sa pagmonitor sa sitwasyon.
Photo Courtesy: X
