Andam na ang mga nadestino nga community-based drug rehabilitation program o CBDRP facilitators sa bag-ong hagit sa ilang tahas isip kaabag sa gobyerno sa kampanya batok sa droga, human sa tulo ka adlaw nga Roll-Out Training on Community Stability, Health, and Community Support (KKDK)-CBDR Training for Facilitators para sa mga lungsod sa Kabacan ug Carmen.
Ang maong aktibidad kabahin sa gipakusog nga kampanya sa Department of Health (DOH) ngadto sa mas epektibong pagpatuman sa CBDRP sa probinsiya aron andam ang mga gitahasan nga facilitators sa matag barangay ug mahatagan sila sa husto ug gikinahanglan nga kahibalo ug kahanas alang sa epektibong pagpatuman sa KKDK module – usa ka innovative approach nga nagtutok dili lang sa rehabilitasyon sa mga tawo nga migamit og droga lakip usab sa pagtutok sa mental health, resilience, ug social support systems.
Kini agi usab sa pagsunod sa natukod nga guidelines ug rekomendasyon kalabot sa presensya sa CBDRP Facilitator sa matag barangay kalabot sa Barangay Drug Clearing, Seal of Good Governance, ug Municipal Anti-Drug Abuse Council audits.
Photo Courtesy: Provincial Government of Cotabato
