Gipildi sa Philadelphia 76ers ang Boston Celtics sa playoff series sa score nga 109-100 nga sa Game 7 sa Eastern Conference quarterfinals. Nakuha sa team ang kadaugan human sa 44 ka tuig.
Gipangunahan ni Joel Embiid ang sa team pinaagi sa talagsaong performance niini uban ang 34 puntos, 12 ka rebounds, ug 6 ka assists, samtang si Tyrese Maxey miamot sab og 30 puntos, 11 ka rebounds, ug 7 ka assists.
Tungod niini, ang 76ers nakatala og usa sa labing dako nga playoff comeback sa kasaysayan human nakabalik gikan sa 3-1 nga depisit. Diin sila ang ika-14 nga team sa kasaysayan sa NBA nga nakamugna niini.
Kusganon ang pagsugod sa Philadelphia sa second half, diin miposte sila og 14-3 run ug naglabaw og 18 puntos sa ikatulong kuwarter.
Dugang pa, wala usab nagpaulahi ang Boston nga gipangulohan ni Jaylen Brown nga dunay 33 puntos ug 9 ka rebounds nga nakapugong sa labaw ngadto sa 1 puntos sa 4th quarter, lakip na ang basket ni Brown nga nakapahimo sa score nga 97-96 sa nahabiling singko minutos.
Bisan pa sa paggukod sa Celtics, ang 76ers nagpabiling kalmado sa kataposang minuto sa duwa aron silyohan ang kadaugan.
Photo Courtesy: NBA
