Nagpahimangno ang Department of Labor and Employment (DOLE) sa Davao de Oro kabahin sa kaluwasan sa mga pasilidad ug sa mga delikadong klase sa trabaho. Nahitabo ang maong pagpasabot niadtong Abril 28, 2026, isip kabahin sa pagpalig-on sa workplace safety ug pagpanalipod sa mga trabahante.
Matod pa ni DOLE Provincial Director Neil Alan Baban, importante nga sundon sa mga kompanya ang saktong safety standards aron malikayan ang aksidente ug peligro sa trabahoan.
Dugang pa niya, nga dili igo ang ₱520 nga minimum nga sweldo sa Pilipinas, ilabi na sa nagkataas nga gasto sa panginabuhi. Ang maong pahimangno nag-awhag sa mga employer nga mas palig-onon ang ilang occupational safety measures ug siguruhon nga ang mga trabahante naa sa luwas ug makiangayon nga kahimtang samtang nagtrabaho.
