Arestado sa gipahigayong joint law enforcement operation ang usa ka wanted person sa Purok 7, Barangay Kibudtungan, Carmen, Cotabato, Abril 30, 2026.
Gipangunahan ang operasyon sa tracker team sa Carmen Municipal Police Station uban ang CPPO-PIU, 2nd CPMFC, ug CIDG Region 12 – North Cotabato PFU.
Nag-atubang ang dinakpan og daghang kaso ilalom sa Republic Act 9262 o Anti-Violence Against Women and Their Children Act of 2004, lakip ang duha ka kaso ubos sa Section 5(B) ug usa ka kaso ubos sa Section 5(A), nga gi-isyu sa Regional Trial Court Branch 22 sa Kabacan, Cotabato, niadtong Abril 23, 2026.
Atol sa pagdakop, gipahibalo sa suspek ang iyang katungod subay sa balaod.
Sa karon, anaa na sa kustodiya sa Carmen MPS ang dinakpan alang sa booking, dokumentasyon, ug medical examination, samtang gihulat ang commitment order gikan sa korte.
Photo Courtesy: Istock
