Misulod na sa ikaduhang hugna sa NBA playoffs ang San Antonio Spurs human nilang gi-pildi ang Portland Trail Blazers sa iskor nga 114-95 sa Game 5 sa ilang first-round series.
Nanguna sa kadaugan si Victor Wembanyama nga mipuntos og 17 puntos, 14 rebounds ug unom ka blocks, nga nakatabang sa Spurs aron makadaog sa serye, 4-1.
Dugang pa, miambag si De’Aaron Fox og 21 puntos, diin 13 niini gikan sa final quarter aron masiguro ang ilang kalamposan.
Sugod pa lang sa duwa, kontrolado na sa Spurs ang serye ug nakaangkon pa og 28 puntos nga labaw, bisan pa sa paningkamot sa Trail Blazers nga makabawi, napugngan gihapon sila sa depensa sa Spurs.
Kini ang unang higayon nga nakadaog og playoff series ang Spurs sukad pa niadtong 2017, ug padayon nilang gipangandoy ang ilang ika-unom nga kampeonato sa liga.
Sa sunod nga hugna, mag-atubang ang Spurs sa modaog tali sa Denver Nuggets ug Minnesota Timberwolves sa Western Conference semifinals.
Photo courtesy: Philstar
