Mipagawas og bag-ong evacuation order ang Israel alang sa pipila ka mga lungsod sa habagatang Lebanon kaniadtong Domingo, human sa pagkamatay sa usa ka sundalo ug nagpadayon nga panagbangi tali sa mga pwersa sa Israel ug grupo nga Hezbollah.
Matod pa sa militar sa Israel, ang mga residente sa pito ka lungsod gipahimangnoan nga mobakwit sa amihanan ug kasadpan, lapas sa gitawag niini nga “buffer zone” nga kontrolado sa Israel sa wala pa ang ceasefire.
Gibutyag usab sa Israel nga nagpahigayon sila og mga airstrike batok sa Hezbollah, mga rocket launcher, ug usa ka weapons depot.
Giinsister usab sa Punong Ministro sa Israel nga si Benjamin Netanyahu nga ilang gisiguro ang kaluwasan og seguridad sa ilang mga sundalo ug mga komunidad sa nasud.
Photo Courtesy:PBS
