Gisaysay sa aktres nga si Dawn Zulueta ang iyang rason ngano mibiya siya sa showbiz sa makadiyot, diin iyang giingon nga kapoy ug bug-at ang oras sa trabaho sa industriya sa telebisyon ug pelikula.
Matod pa niya, ang iyang desisyon dili tungod kay miundang na siya sa pag-arte, kundili nagpahulay lang siya aron mahatagan og panahon ang iyang pamilya, ilabi na ang iyang mga anak. Giingon niya nga gusto niya mahimong presensya sa ilang pagdako, ilabi na sa ilang teenage years.
Bisan pa sa pagpahulay, klaro ni Dawn nga dili pa siya retired sa acting. Giangkon niya nga mingawon gihapon siya sa creativity ug collaborative work sa showbiz, apan dili na sa lisod nga working conditions nga iyang nasinati kaniadto.
Kung mobalik siya sa screen, iyang giingon nga interesado siya mo-portray og “kontrabida” o villain role, nga lahi sa iyang kasagaran nga mga karakter. Gusto pud niya nga apil siya sa creative process sa proyekto, dili lang basta artista.
Naghatag usab siya og tambag sa mga bag-ong artista nga magpabiling balanced sa trabaho ug personal nga kinabuhi, ug dili kalimot magpahulay aron malikayan ang burnout.
Photo Courtesy: ABS-CBN
