Opisyal nang gipahibalo nga nagpirma na og kontrata ang duha ka kanhing world heavyweight champions nga si Tyson Fury ug Anthony Joshua alang sa ilang unang bangga karong tuig, usa ka dugay nang gihulat nga boxing superfight sa tibuok kalibutan.
Wala pa gi-anunsyo ang eksaktong petsa ug venue sa maong dako nga laban, apan gi-report nga posibleng ipahigayon sa Wembley Stadium sa London o Croke Park sa Dublin. Ang maong away ipasalida live sa Netflix, nga usa ka bag-ong pamaagi sa paghatod og major boxing events ngadto sa global audience.
Sumala sa mga promoters, kompleto na ang kasabutan nga nagpasabot nga dayon na gyud ang Fury vs Joshua fight. Giingon ni Turki Al-Sheikh nga “signed, sealed, delivered” na ang deal, samtang si Eddie Hearn mipadayag usab nga pormal nang natapos ang negosasyon alang sa maong heavyweight showdown.
Si Fury, 37-anyos, adunay rekord nga 35-2-1 nga adunay 24 knockout, samtang si Joshua, 36- anyos, adunay 29-4 nga may 26 knockout. Pareho silang mga beterano sa heavyweight division ug gilauman nga usa kini sa pinakadako nga boxing events sa ilang karera.
Photo Courtesy:Sky Sports
