Gipahigayon ang pormal nga pag-abli sa labing unang SSS Offsite E-Center sa General Santos City nga nahimutang sulod sa buhatan sa Centro Services Cooperative (CSC) niadtong Abril 27,2026. Kini nga inisyatibo usa ka pioneer project sa SSS General Santos Branch nga nagtumong sa pagpalapad sa ilang digital footprint sa rehiyon.
Ang maong E-Center gidesinyo aron mahimong sentralisadong digital service hub. Pinaagi sa My.SSS portal, mas mapaspas ang serbisyo alang sa mga miyembro sa kooperatiba ug sa kasikbit nga komunidad.
Ang mga transaksyon nga mamahimong maproseso naglakip sa pagrehistro ug pag-update sa records, pagsumite sa loan applications ug pag-monitor sa benefit claims.
Tumong niini nga mapamenos ang kahuot sa mga tawo sa main branch sa SSS ug makahatag og mas hamugaway nga kasinatian sa pagproseso sa mga benepisyo.
Sumala ni CSC Chairman Jocelyn B. Villanueva, ang maong pasilidad nagpakita sa ilang tinguha nga makahatag og modernong serbisyo pinaagi sa pakigtambayayong sa mga institusyon sama sa SSS. Mapasalamaton ang kooperatiba sa pagsalig nga gihatag kanila aron mamahimong kaabag sa paghatud sa financial security sa mga mamumuo.
Gipahayag usab ni SSS General Santos Acting Head Vivian K. Fullon nga ang maong public-private partnership (PPP) uban sa CSC usa ka modelo nga angay sundon aron mapalig-on ang serbisyo publiko. Gipasalig sa ahensya ang padayong misyon sa paghatag og accessible nga serbisyo ug pagpalapad sa social security coverage sa tibuok dapit.
Gipahayag usab ni SSS General Santos Acting Head Vivian K. Fullon nga ang maong public-private partnership (PPP) uban sa CSC usa ka modelo nga angay sundon aron mapalig-on ang serbisyo publiko. Gipasalig sa ahensya ang padayong misyon sa paghatag og accessible nga serbisyo ug pagpalapad sa social security coverage sa tibuok dapit.
Gipahayag usab ni SSS General Santos Acting Head Vivian K. Fullon nga ang maong public-private partnership (PPP) uban sa CSC usa ka modelo nga angay sundon aron mapalig-on ang serbisyo publiko. Gipasalig sa ahensya ang padayong misyon sa paghatag og accessible nga serbisyo ug pagpalapad sa social security coverage sa tibuok dapit.
Photo Courtesy: SSS Latest
