Giklaro ni Daniel Fernando nga wala siyay romantikong relasyon sa aktres nga si Kim Rodriguez sa usa ka interview sa “Kay Susan Tayo Vlogs.”
Sa maong pahayag, hugot nga gihimakak sa gobernador nga nahimo niyang uyab si Rodriguez o bisan pa man adunay “mutual understanding” tali kanila. Iyang gihulagway ang aktres isip usa lamang ka “female friend” ug giingong nagkaila sila tungod kay pareho silang anaa sa industriya sa showbiz.
Gideny usab ni Fernando ang mga alegasyon nga naghatag siya og P1 milyon kada bulan nga allowance ug usa ka luxury car sa aktres.
Dugang pa niya nga gigamit sa iyang mga kaatbang sa politika ang ilang mga hulagway aron dauton ang iyang reputasyon, lakip ang litrato diin nagdala og bulak ang aktres.
Sa laing bahin, nagpabilin nga hilom o “dedma” si Rodriguez sa isyu sa social media, gawas sa pipila ka mubo nga tubag sa mga netizens sa iyang TikTok account.
Padayon nga naghatag og klaripikasyon si Fernando aron mapapas ang mga spekulasyon nga mitumaw sa social media kalabot sa ilang giingong relasyon
