Nakadawat og pahalipay pinaagi sa birthday cash gift ang mga senior citizens sa Island Garden City of Samal, niadtong Abril 22-24, 2026 ubos sa pagpanguna sa City Social Welfare and Development Office (CSWD). Naka-avail niini ang mga senior citizens nga natawo sa bulan sa Enero hangtod Marso sa nagkadaiyang barangay sa Babak, Samal, ug Kaputian District.
Tumong sa maong programa ang paghatag og pag-ila ug pasidungog sa mga tigulang sa siyudad pinaagi sa pinansyal nga tabang isip kabahin sa padayon nga paningkamot sa lokal nga gobyerno sa pag-atiman sa ilang kaayohan ug kahimtang sa kinabuhi.
Labaw pa sa simpleng pagpanghatag og kwarta, gipakita sa maong inisyatibo ang paghatag bili sa sektor sa mga senior citizens sa isla, isip pasalamat sa ilang kontribusyon sa komunidad ug inspirasyon sa umaabot nga henerasyon.
Photo Courtesy : Samal Island Info
