Madasigon nga misalmot ang mga senior citizen sa SMC-GK Senior Citizen Association sa Barangay Balubal, Cagayan de Oro City sa orientation sa Juander Radyo Loyalista Incorporated.
Gipakita sa mga nanay ug tatay ang ilang kalipay ug suporta sa programa nga nagtumong sa pagtinabangay sa komunidad, ilabi na sa mga pamilyang nabyaan sa ilang minahal.
Matod pa sa orientation, pinaagi sa ginagmay nga kontribusyon sama sa dyes sentimos, posible kini matigom ug mahimong dakong tabang sa panahon sa kalisod.
Gipasabot usab nga ang panagtinabangay sa matag miyembro makatabang sa pagpagaan sa gasto sa lubong, ilabi na karon nga misaka na ang mga bayronon.
Sa kinatibuk-an, giila sa grupo nga ang panaghiusa ug pagtinabangay maoy yawe aron masuportahan ang matag kabanay sa oras sa panginahanglan.
Sa pakigtimbayayong ni Juander Radyo Loyalista Incorporated coordinator Chonalyn Alivio ug SMC-GK Senior Citizen President Mario Ga, malampusong napahigayon ang maong orientation sa Juander Radyo News Team.
