Gikalipay ang mga senior citizens sa Barangay Bugo, Cagayan de Oro City human masabtan ang tumong ug katuyoan sa Juander Radyo Loyalista Incorporated atol sa gipahigayong oryentasyon sa Reyes Village Gym.
Dul-an sa usa ka gatos ka mga senior citizens ug gatusan sa ilang mga kabanay ang nagpa miyembro sa maong kalihokan, uban ang aktibong pakigtambayayong sa Bugo Senior Citizens President nga si Fifi Sanchez.
Sa maong panagtigom, gipasiugda ang espiritu sa pagtinabangay pinaagi sa boluntaryong pag-amot og dyes sentimos isip suporta sa mga miyembro nga motaliwan ug alang sa ilang nabilin nga pamilya.
Gipangunahan Juander Radyo News Team ug sa coordinator nga si Linda Gonzaga, nagmalampuson ang aktibidad nga naghatag og kalipay ug pahiyom sa mga katigulangan.
Padayon usab ang maong organisasyon sa pagpalig-on sa panaghiusa ug suporta sa komunidad, ilabi na alang sa sektor sa senior citizens.
