Posibleng i-ban sa Pilipinas ang online gaming platform nga Roblox tungod sa peligro nga dala niini sa mga bata. Kagahapong adlawa, Biyernes, gipahibalo sa Cybercrime Investigation and Coordinating Center o CICC ug sa DICT nga gihatagan nila ang Roblox og 30 ka adlaw aron mo-coordinate sa gobyerno ug masulbad ang isyu sa child safety.
Giingon sa CICC nga adunay mga pedophile ug drug traffickers nga naggamit sa Roblox ingong hunting ground para sa mga bata. Kung wala’y aksyon ang Roblox, plano sa gobyerno nga i-block ang access sa servers ug i-remove ang app sa Play Store ug App Store aron dili na magamit sa tibuok nasod.
Gipasidan-an usab ang mga ginikanan ug guardians nga bantayan ang ilang mga anak nga mahilig magdula ug roblox. Ang CICC nagpahimangno sa posibleng “red flags” o delikadong content nga makita sa app ug giingon nga responsibilidad sa pamilya nga protektahan ang bata samtang nagdula online.
Dugang sa CICC nga kung dili motubag ang Roblox, siguradohon nila nga halos tanan kabataan sa nasod dili na makagamit sa platform. Ang aksyon susama sa gibuhat sa Qatar, Iran, Turkey, ug US sa parehas nga kaso aron protektahan ang kabataan.
Photo Courtesy: The Guardian
