Nagpahigayon og site validation ang Department of the Interior and Local Government sa South Cotabato sa napulo ka infrastructure projects sa pito ka barangay sa lungsod sa Banga, niadtong Marso 17, 2026. Ang Provincial Project Development and Management Unit nag-inspeksyon isip preparasyon sa Local Government Support – Support to Barangay Development Program para sa Fiscal Year 2026.
Niadto usab ang mga DILG engineers sa usa ka courtesy call kang Banga Mayor Albert D. Palencia aron ipahibalo ang katuyoan sa validation. Human sa pakigkita, gisusi nila ang matag identified site uban ang tabang sa Municipal Engineering Office aron masiguro nga andam ang lugar para sa konstruksyon.
Giplano ang maong validation aron masiguro nga mosunod ang mga proyekto sa requirements sa programa. Pinaagi niini, masiguro nga magamit ang pondo alang sa tinuod nga benepisyo sa komunidad, samtang malikayan ang kalangan sa konstruksyon ug mapadali ang serbisyo sa mga residente.
Nagpalig-on usab kini sa koordinasyon tali sa DILG, lokal nga panggamhanan, ug mga barangay. Gisiguro usab sa DILG ang transparency ug accountability pinaagi sa dokumentasyon ug pag-apil sa municipal engineers sa teknikal nga assessment.
