Balhog sa prisuhan ang usa ka lalaki kinsa nagpayuhot sa ginadiling drugang shabu pinaagi sa gilusad nga anti-llegal drug operation sa kapulisan sa Brgy. Dilawa, lungsod sa Piñan, Zamboanga Del Norte niadtong Marso 20, 2026.
Wala na hinganli ang dinakpan nga 30-anyos ug residente ra usab sa nasangpit nga barangay.
Nasakmit gikan sa suspetsado ang 1.5 grams sa shabu nga nagkantidad ug Php10,200.00. Gipangunahan sa mga personahe sa Piñan Municipal Police Station ang maong operasyon kauban ang 901st RMFB 9, Zamboanga Del Norte Provincial Intelligence Unit ug 1st ZNPMFC.
Gidala ngadto sa kustudiya sa Piñan Municipal Police Station ang dinakpan ug mag-atubang sa kasong paglapas sa RA 9165 kon Comprehensive Dangerous Drugs Act of 2002.
Photo Courtesy: Piñan MPS
