Mapasigarbuhon nga gibutyag ni CSWD Officer Jeniffer Sanggoyod, nga ang Iligan City lamang sa tibuok Pilipinas ang adunay espesyal nga Task Force nga direktang nag-atubang sa Online Sexual Abuse and Exploitation of Children (OSAEC).
Nagkahiusa ang City Social Welfare and Development (CSWD), Philippine National Police (PNP), ug mga Barangay aron paspas ang aksyon batok sa krimen nga naghulga sa kabataan sa digital nga kalibutan.
Matod pa ni Sanggoyod, dako ang papel sa mga Barangay nga aktibong nakigkoordinar sa ilang opisina. Dili lang kutob sa koordinasyon ang mga opisyal mismo misalmot sa capacity building trainings aron mas mapalig-on ang ilang kahibalo ug aksyon batok sa OSAEC.
Midangop usab sila sa Department of the Interior and Local Government (DILG) aron mapalapdan pa ang suporta ug mapalig-on ang partisipasyon sa mga lokal nga lider.
Sa padayon nga kampanya, ang Iligan City nagbarog isip ehemplo sa nasud usa ka syudad nga dili mohunong hangtod mapanalipdan ang kabataan batok sa online nga pagpang-abuso.
