Gipahibalo ni Palace Press Officer Claire Castro nga ang Department of Social Welfare and Development (DSWD) karon nagpasiugda og digital system nga mogamit og electronic wallet para sa mas paspas ug mas episyente nga pag-apod-apod sa ayuda sa mga PUV driver.
Sumala ni Castro, ang lakang nagtumong sa pagpakunhod sa mga sayop sa payouts ug pagpadali sa pagdawat sa ayuda sa mga benepisyaryo.
Kabahin niini, nanawagan usab ang opisyal sa mga public utility vehicle (PUV) drivers nga sigurohon nga nalakip sila sa listahan sa mga makadawat og ayuda sa dili pa moadto sa mga payout center.
Gitambagan ang mga benipisyaryo nga kontakon una ang ilang mga Transport Network Vehicle Service (TNVS) nga mga kompanya aron malikayan ang taas nga linya ug kahasol.
Kini ang tubag sa Malacañang Palace sa mga reklamo sa mga PUV driver sa pagdawat sa ilang ayuda, nga sa ulahi miresulta sa kamatayon sa usa ka rider sa motorsiklo.
Photo Courtesy: ICC
