Nag-viral karon sa social media ang usa ka makalingaw ug creative nga istorya gikan sa usa ka Chinese nga magtiayon nga nakapukaw sa atensyon sa daghang netizen online, tungod sa talagsaon nilang pagpangalan sa ilang anak.
Nakasinati ang maong magtiayon og wala damha nga panghitabo, human nila gi-welcome ang ilang baby nga natawo og mas sayo kaysa sa gipaabot nga petsa o due date. Tungod kay premature ang pag-anak, nakahuna-huna ang mga ginikanan og usa ka ngalan nga nagpakita sa sitwasyon nga mao ang ngalang “Sudden Lee.”
Sumala pa, ang ngalan nga “Sudden Lee” kombinasyon sa English word nga “sudden” nga nagpasabot og kalit o wala damha, ug ang “Lee,” usa ka komon nga apelyido sa Chinese. Kung basahon kini nga dungan, mopareho kini sa pulong nga “suddenly,” nga nagpasabot og kalit nga panghitabo—eksakto sa ilang nasinati sa pag-abot sa ilang anak.
Tungod sa ka-creative ug ka-humorous nga ideya sa mga ginikanan, dali kining mikaylap sa internet ug nakadawat og nagkalain-laing reaksyon gikan sa mga netizens. Adunay nalingaw ug naka-appreciate sa ilang pagka-lingaw nga ginikanan, samtang ang uban usab nahimoot sa talagsaon nga pagpili sa ngalan.
Bisan pa man, ang istorya ni baby “Sudden Lee” nahimong simbolo sa kalipay ug positibong pagtan-aw sa usa ka wala damhang panghitabo, nga naghatag og pahiyom sa daghang tawo sa online community.
Photo Courtesy : Chinese Magazines
