Gilunsad sa Probinsyal nga Panggamhanan sa Davao del Norte ang programa nga “Kaagapay sa Pagpananom Kontra Gutom” sa pagpanguna ni Governor Edwin I. Jubahib, isip tubag sa nagpadayong hagit sa seguridad sa pagkaon.
Uban ang kapin 4,000 ka mga empleyado sa kapitolyo, gitamnan og saging, balanghoy ug kamote ang gibanabana nga lima ka ektaryang luna sa brgy. San Isdro, Tagum City.
Sumala sa probinsyal nga gobyerno, kabahin kini sa mga solusyon sa administrasyon aron masugpo ang epekto sa pagsaka sa presyo sa mga palaliton nga giingong naapektuhan sa tensyon sa Middle East.
Gimandoan usab sa gobernador ang tanang empleyado sa Kapitolyo nga gamiton ang matag Biyernes isip adlaw sa pagpananom, ug nanghinaot nga mahimong ehemplo kini aron madani ang mga komunidad sa probinsya sa pag-apil sa kampanya kontra gutom.
Photo Courtesy : One DavNor
