Padayon ang winning streak sa Malabuyoc samtang mibawi usab ang Alegria sa nagpadayong Calderon Cup Inter-Town 21-Under Basketball Tournament niadtong Sabado sa Badian Sports Complex.
Gipildi sa Malabuyoc ang host Badian, 86-79, aron mosaka sa 4-1 sa Bracket B. Nanguna si Jake Leo Quim sa 26 puntos, uban sa maayong suporta nila Joseph Velarde ug Chris Donne Gadiana. Sa Badian, topscorer si James Ivan Alvizo, apan miubos sa 1-4 ang ilang rekord.
Sa laing duwa, mibawi ang Alegria pinaagi sa 88-85 nga kadaogan batok sa Ginatilan. Gipangulohan ni Vil March Amacna ang Alegria, nga misaka usab sa 4-1 sa Bracket B. Napildi ang Ginatilan ug nahulog sa 1-4 nga record.
Photo credits: CDN Digital News
