Nasikop sa kapulisan ang duha ka indibidwal nga giila si alyas “Part” ug “Jul” sa gipahigayon nga buy-bust operation sa Sta. Cruz Municipal Police Station niadtong nakalabay nga adlaw.
Sumala sa report, ang duha ka suspek mga residente sa Sona 1, Sta. Cruz ug gituohang nag-apil sa ilegal nga pagpamaligya og droga. Nakuha gikan sa ilang posisyon ang walo ka sachet sa gituohang shabu nga adunay gibanabana nga kantidad nga molapas sa ₱23,800.
Sa pagkakaron, anaa na sa kustodiya sa Sta. Cruz Municipal Police Station ang mga dinakpan, samtang gihikay na ang mga dokumento alang sa pagsaka og kaso batok kanila tungod sa paglapas sa Republic Act 9165.
Padayon ang pahimangno sa kapulisan sa publiko nga makigkooperar ug magreport sa bisan unsang kahimtang nga may kalabutan sa ilegal nga droga aron mapadayon ang kalinaw ug kahapsay sa komunidad.
