I-auction sa National Food Authority (NFA) ang daan nga bugas ug humay aron makahatag og luna sa ilang mga bodega para sa bag-ong ani ug malikayan ang pagkadaot sa mga stock.
Matod ni NFA Administrator Larry Lacson, gi-aprubahan sa NFA Council ang pagbaligya sa 232,141 ka metric tons nga humay ug 62,890 ka metric tons nga bugas, nga ibaligya by batch.
Gipasabot ni Lacson nga unahon nila og baligya ang pinakakaraang stock aron mapulihan ug bag-ong mga imbentaryo.
Gibase sa balaod nga Rice Tariffication Law, pwedeng ibaligya ang bugas human sa tulo ka bulan gikan sa milling, ug ang palay human sa unom ka bulan nga pagtipig.
Sa bidding karong Mayo, mokabat lang sa 5 mil hangtod 20 mil ka metric tons nga bugas ang iapil.
Sa pagkakaron, gi-finalize pa sa NFA ang pamaagi sa pagpresyo, ug gamiton ang datos gikan sa Philippine Statistics Authority isip basehan ug gilauman nga anaa sa Php22 hangtod Php28 matag kilo.
Photo Courtesy: Inquirer
