Nakohhuran ang kaso sa malnutrisyon sa Zamboanga Peninsula sukad gisugdan sa pagpatuman sa Department of Health (DOH) Region IX ang Philippine Multisectoral Nutrition Project (PMNP).
Sumala ni Dr. Sheryl Sarmiento, Medical Officer sa DOH 9, ang maong programa nakapalig-on sa pagbatok sa kaso sa malnutrisyon sa mga Local Government Units pinaagi sa training, pagplano ug pagbutang ug pondo aron sa paghatag og hustong nutrisyon sa mga kabataan.
Gidugang pa, nga lakip sa mga lakang nga gipatuman ang regular nga pagtimbang sa kabataan, nutrisyon education sa mga ginikanan, ug paghatag og suporta sa pagkaon sa mga kabus nga pamilya.
Gipasabot ni Dr. Sarmiento nga padayon pa ang ilang paningkamot aron mas mapakunhod pa ang malnutrisyon sa rehiyon ug masiguro ang himsog nga kaugmaon sa kabataan.
Gidasig usab ang publiko nga mokooperar sa panawagan sa gobyerno pinaagi sa pagpractice sa husto nga pagkaon ug pag-atiman sa panglawas.
Photo Courtesy : DOH Zamboanga Peninsula CHD
