Gikumpirma ni Gianni Infantino, FIFA president, nga siguradong makadula ang Iran sa 2026 FIFA World Cup bisan pa sa nagpadayon nga tensyon sa Middle East.
Matod ni Infantino, naka-qualify na ang Iran ug kinahanglan silang motambong aron representahan ang ilang nasod, samtang naglaum siya nga mahimong malinawon ang sitwasyon sa dili pa magsugod ang torneyo.
Giingon usab ni Infantino nga ang sports kinahanglan magpabilin nga gawas sa politika ug dili maapektuhan sa mga isyung politikal.
Ang partisipasyon sa Iran nahimong isyu tungod sa gubat nga misugod niadtong Pebrero 28 nga naglambigit sa United States ug Israel.
Ang 2026 World Cup pagahost sa United States, Mexico, ug Canada, ug magsugod sa Hunyo 11.
Photo Courtesy: IranOpedia
