Nanguna sa listahan sa Forbes nga “Best Banks in the Philippines” ang mga digital banks, base sa bag-ong survey nga gihimo sa mga bank customers sa nasod.
Sumala sa Forbes, nakigtambayayong sila sa market research firm nga Statista aron mangolekta og feedback gikan sa mga customers nga nag-evaluate sa serbisyo sa ilang mga bangko. Gitan-aw sa survey ang overall satisfaction sa kustomer ug ang ilang posibilidad nga irekomendar ang ilang bangko sa uban.
Ang mga banko gi-ranggo base sa lain-laing criteria sama sa trustworthiness, terms and conditions, customer service, digital services, ug kalidad sa financial advice. Gireport nga ang trustworthiness o pagsalig sa financial stability sa bangko mao ang pinaka-importante nga basehan sa mga respondents, gisundan sa digital services ug customer service.
Sa listahan, nanguna ang MariBank, GoTyme, BPI, UnionBank, Maya, Metrobank, Landbank, ug PNB. Ang ubang naa sa listahan mao ang dagkong traditional banks sama sa BPI, Metrobank, Landbank, ug PNB.
Sa global ranking, ang Japan’s 77 Bank ang nanguna isip best bank sa kalibutan, gisundan sa mga bangko gikan sa Abu Dhabi, Vietnam, Switzerland, Japan, ug China.
Photo Courtesy: Philstar.com
