Miusbaw ang koleksyon sa Bureau of Internal Revenue (BIR) sa bulan sa Marso 2026, base sa preliminary data hangtod Abril 13, 2026.
Sumala sa BIR, nakatigom kini og gross collection nga miabot sa Php198.755 bilyon, mas taas og Php21.086 bilyon o 11.87% kumpara sa susama nga bulan sa niaging tuig. Apan, dako usab ang gi-release nga tax refunds sa maong bulan nga miabot sa Php11.368 bilyon, kapin lima ka higayon nga mas taas kumpara sa Marso 2025.
Tungod niini, ang net collection sa BIR alang sa Marso mikabat sa Php187.387 bilyon, nga mas taas gihapon og Php11.727 bilyon o 6.68% kumpara sa miaging tuig. Bisan og hinay gamay ang pagtubo sa net collection tungod sa mas dagkong refund, gipakita niini nga mas daghang pondo ang nabalik sa mga taxpayers ug negosyo, hilabi na sa panahon sa padayon nga energy crisis.
Photo Courtesy: Manila Bulletin
