Dakong pagmahay ang gibati sa usa ka babaye human nga nakabuhat og mali nga desisyon sa dihang iyang gidonar ang iyang kidney ngadto sa sa iyang amo.
Kahinumdoman nga niadtong 2011, si Debbie Stevens boluntaryo nga midonar ug kidney sa iyang supervisor human niini nahibaw-an nga gikanahanglan kini ug kidney transplant.
Tungod niini, lisod ang operasyon nga iyang naagi-an ug nagkinahanglan si Debbie og taas nga pahulay aron maulian, apan matod pa sa report wala siya suportahi sa iyang boss. Daw gani gipugos pa siya sa pagtrabaho bisan pa man nga wala pa siya tantong naulian sa iyang operasyon.
Apan sa wala damha, gitangtang si Debbie sa trabaho tungod kay kinahanglan pa niini nga mu-extend sa pagpahulay.
Ang maong istorya maoy nagpamatuod nga ang pagmahay anaa sa ulahi ug dili sa tanang panahon ang imong pagkamaayo mabalosan og pagkamakiangayon, pero mga kajuander dili lang nato kalimtan nga adunay dako nga kalipay ang paghatag kaysa pagdawat og ang labaw nga makakagahom ra ang mosukli sa tanan.
Photo Courtesy: A.V FactStories
