Gikumpirma sa manager ni Wally Bayola nga si Joel Roslin nga malampusong gi-operahan ang bukong-bukong o ankle sa komedyante human kini mabali tungod sa usa ka aksidente sa motor.
gitaoran og bakal o screw ang naasoyng bahin sa iyang lawas aron masiguro ang paspas ug saktong pag-alim sa iyang bukog.
Kahinumdoman nga Nahitabo ang maong insidente sa Rolando Andaya Highway sa Lupi, Bicol, diin gituohang nga tungod kini sa lubak nga dalan.
Kasamtangan karon nga nagpaalim si Wally sa usa ka ospital sa Quezon City samtang nagpaabot sa iyang hingpit nga pag-recover.
Matod pa sa iyang doktor, nagkinahanglan ang komedyante og labing menos tulo ka bulan nga pagpahuway ug physical therapy.
Gilauman nga human niini nga panahon, mobalik na sa normal ang iyang paglakaw ug mahimo na siyang makabalik sa iyang mga regular nga buluhaton sa showbiz
Photo Courtesy:IMDb
