Pormal nang ipahigayon ang Fatima Basketball Association (FABA TMS Cup) ug Fatima Volleyball Association (FAVO) karong Mayo 10 ning tuiga nga pagahimoom sa Barangay Pahina Central Gymnasium human madawat ang pinansyal nga suporta alang sa maong kalihokan sa sports.
Gipangulohan ni Pahina Central Konsehal Michael Torres, kauban sila Cheng Garciano ug Gilbert Romo, ang paghatag og tabang alang sa liga. Nadawat na usab ni FABA Cup President Jeffrey Gonzales, ang tseke nga nagkantidad og ₱55,000 alang sa organisasyon sa maong kalihokan.
Sumala sa mga tigpasiugda, tumong sa FABA TMS Cup ang pagpalambo sa sportsmanship ug panaghiusa sa komunidad. Plano usab sa grupo ang magpahigayon og Billards competition,
Abli ang kalihokan sa tanang residente ug libre sa tanan. Alang sa mga gustong musalmot mamahimong magparehistro bata man o hamtong, babaye o lalaki ug maglakip kini og mga duwa sama sa basketball, volleyball, ug dayon-dayon.
Gilauman nga makahatag kini og kalingawan ug makapalig-on sa panaghiusa sa mga lumulupyo sa maong lugar.
Photo credits: Pahina Central, Cebu City Barangay Hall
