Nahimo ni Nirmal “Nims” Purja, sa Nepal ang usa ka kasaysayan nga mao ang unang tawo nga nakarekord sa pinakapaspas nga pagsaka sa Mount Everest ug Lhotse nga walay supplemental oxygen, human niya kini mahuman sulod sa 25 oras ug 1 minuto.
Sumala sa mountaineer, dili makita sa rekord ang bug-at nga responsibilidad nga iyang gidala atol sa ekspedisyon. Siya mismo ang nangulo sa kapin 60 ka mga climber, nagplano sa ilang summit strategy, weather window, oxygen supply, pagkaon, ug logistics sa matag kampo.
Sa summit push, wala siya makapahulay sa Camp 4 tungod kay iyang gisuroy ang matag tent aron maseguro nga andam, busog, ug luwas ang tanang miyembro sa team.
Dugang pa, samtang nagdumala sa daghang grupo, nag 1-on-1 guide usab siya sa usa ka kliyente. Bisan sa grabeng pressure, iyang napadayon ang 100% summit ug safety success, nga maoy usa sa labing dakong hinungdan nganong mas labaw pa sa rekord ang iyang garbo.
Sa iyang handumanan sa summit ridge, nasugatan siya sa iladong climber nga si Kenton Cool nga nanaog gikan sa tumoy. Nakapangutana kini, unsaon niya paglakaw og paspas nga walay oxygen samtang sila naglisod bisan adunay gamit nga oxygen. Usa kini sa mga pulong nga dili niya malimtan ug nagpamatuod sa iyang talagsaong kusog ug kahimtang.
Matod pa ni Purja, kon wala pa siya nag-atiman sa team, logistics, safety, ug personal guiding, posible pa unta nga makuha pa niya hapit sa katunga ang maong world record. Apan alang kaniya, dili kini bahin sa pagpamatuod sa kaugalingon, kundili sa pagpakita nga posible nga madala ang tibuok team ug mapadayon gihapon ang kusog sa personal nga performance.
Sa katapusan, iyang gihulagway kini dili isip iyang “pinakapaspas nga kaugalingon,” kundili ang iyang “pinakaresponsableng kaugalingon” ug bisan pa niana, nakuha gihapon ang world record.
Photo Courtesy: UnseenStories
