Mikaylap karon sa social media ug sa ride-hailing app, ang nagkalainlaing profile pictures sa mga Uber driver sa siyudad sa Beijing ug Shanghai nga adunay makahahadlok nga hitsura, diin murag “zombie” o adik ang ilang dagway.
Matod sa report, gigamit kini sa pipila ka mangingilad aron mahadlok ang mga pasahero ug ilang kanselahon ang booking, nga maoy hinungdan sa pagdawat sa peke nga driver og cancellation fee.
Sa ilang pamaagi, sa higayon nga ma-cancel sa customer ang booking tungod sa kahadlok sa profile picture, makadawat dayon og bayad ang maong fake driver. Apan kung ipadayon gihapon sa customer ang booking, dili gyud motunga ang driver sa pickup point ug magpakaaron-ingnon nga nahatud na ang pasahero aron makuha ang plete.
Tungod niini, daghang customers ang nabiktima sa pagpangilad ug kawat-pamasahe.Gituohang ang maong scam gihimo aron dali makakwarta pinaagi sa fake accounts ug peke nga drivers.
Aron mapugngan kini, nagpatuman ang Uber og mas hugot nga driver verification system, lakip ang identity checks, aron maminusan ang paggamit sa peke nga accounts ug mapanalipdan ang mga customers batok sa maong klase sa online scam.
Photo Courtesy: A.V FactStories
