Dakpan ang 52-anyos nga babaye kinsa namaligya ug smuggled nga sigarilyo atol sa gipahigayon nga joint buy-bust operation sa kapulisan sa Barangay Larayan, Dapitan City, Zamboanga del Norte niadtong nakalabay nga adlaw.
Wala na hinganli ang dinakpan, negosyante ug residente sa nasangpit nga barangay.
Sa maong operasyon, narekober ang usa ka pakete sa Champion White cigarettes isip buy-bust item, usa ka ₱100 bill nga buy-bust money, siyam ka pakete sa Champion cigarettes, ug 19 ka reams sa Champion cigarettes nga adunay kinatibukang kantidad nga Php22,920.
Gipangunahan sa mga personahe sa Dapitan City Police Station ang maong operasyon kauban ang 1st ZNPMFC nga mi-resulta sa pagkasikop sa suspect.
Ang nakompiskang ebidensya u gang dinakpan gidala gilayon sa Dapitan City Police Station alang sa tukmang disposisyon.
Photo Courtesy: Dapitan CPS
