Gipahibalo sa Department of Agriculture (DA) nga maghatag kini og ₱75 milyon nga ayuda alang sa gasolina ngadto sa mga mangingisda sa tibuok nasod.
Sa maong programa, kapin 15,000 ka mangingisda ang makadawat og fuel assistance pinaagi sa Bureau of Fisheries and Aquatic Resources (BFAR).
Tumong niini nga matabangan sila sa ilang panginabuhi tungod sa kamahal sa presyo sa gasolina.
Giingon sa DA nga kini nga tabang kabahin sa ilang lakang aron masulbad ang kalisod sa mga mag-uuma ug mangingisda, ilabi na sa taas nga gasto sa pagpangisda ug pagbiyahe sa ilang produkto.
Dugang pa sa ahensya, padayon usab ang ilang Kadiwa program ug paggamit sa mga truck aron matabangan ang pagdala ug pagbaligya sa produkto sa mga mag-uuma ngadto sa merkado.
Photo Courtesy: Philippine News Agency
