Nanawagan ang kanhi boxing champion nga si Manny Pacquiao sa mga lider sa kanasuran nga hatagan og kahigayonan ang mga kabataan nga makabaton og maayong kaugmaon.
Sa iyang pakigpulong sa United Nation’s Sports for Peace and Development: Leveraging Sport for Youth Empowerment and Prevention of Violent Extremism, gihatagan niya og bili nga ang sports usa ka taytayan paingon sa kalinaw. Matod pa niya, importante nga hulmahon pa lang karon ang mga bata sa sports, ilabi na nga nag-atubang sa nagkadaiyang krisis ang kalibutan.
Gipaambit usab niya nga ang sports ang nakatabang kaniya aron makabaton og disiplina ug paglaum. Dugang pa niini, importante nga ang mga kabataan mahatagan og suporta ug giya alang sa usa ka nindot nga kaugmaon.
Photo courtesy: Inquirer.net
