Nakuha ang laing dakong milestone si LeBron James human siya nahimong ika-upat nga player sa kasaysayan sa NBA nga niabot sa 12,000 career assists.
Nahimo ang maong rekord sa duwa sa iyang team nga Los Angeles Lakers batok sa Phoenix Suns, diin ang iyang ikaduhang assist sa unang quarter maoy nagtimaan sa milestone.
Ang ika-12,000 nga assist ni James nahitabo sa dihang nakakuha siya og defensive rebound ug dayon naglabay og taas nga chest pass padulong sa pikas end sa court. Gi-salo ni Deandre Ayton ang bola ibabaw sa mas gagmay nga si Collin Gillespie ug gi-convert kini ngadto sa puntos, nga nahitabo may 7:49 pa nga nabilin sa maong quarter.
Sa maong rekord, misulod si James sa lista sa pinakataas nga assist leaders sa NBA history. Nanguna gihapon si John Stockton nga adunay 15,806 assists, gisundan ni Chris Paul nga adunay 12,552, ug si Jason Kidd nga adunay 12,091.
Sa edad nga 41, padayon gihapon si James sa pagpakita og impresibong performance, nga nag-average og 7.1 assists matag duwa karong season sa iyang ika-59 nga duwa sa 2025–2026 campaign.
Sa tibuok niyang karera, nag-average siya og 7.4 assists matag duwa, nga nagpakita sa iyang consistency isip usa sa pinakadakong all-around players sa kasaysayan sa NBA.
Photo Courtesy:Wikipedia
