Nakit-an sa Missouri, U.S. ang labing karaan nga salampati sa kalibutan, nga ginganlag “Sugar” human nakaabot sa talagsaong edad nga 44 ka tuig, ug kini ang opisyal nga giila sa Guinness World Records.
Kasagarang moabot lang sa 20 ka tuig ang life expectancy sa mga kalapati, apan gidoble ang edad ni Sugar. Na-hatch si Sugar niadtong Hunyo 23, 1981 ug gigahin ang tibuok kinabuhi uban sa 77-anyos nga tag-iya niini nga si Dewayne Orender.
Sumala ni Orender, kanunay silang magtan-aw og telebisyon ug maminaw og music nga magkauban, ug giisip niya kini nga usa ka suod nga higala.
Suod kaayo ang duha, sa dihang na-ospital si Orender ug kinahanglan nga molungtad sulod sa pipila ka adlaw, namatikdan sa iyang inahan nga ang salampati halos dili na mokaon ug nagluya sulod sa iyang halwa tungod sa grabeng kamingaw. Nabawi ra niini ang iyang kusog ug nipadayon sa pagkaon sa dihang nakauli na ang tag-iya niini.
Gipildi ni Sugar ang miaging rekord nga sobra sa 15 ka tuig. Naglaum si Orender nga ang iyang binuhi makaabot sa edad nga 50 ka tuig aron mahatagan niya kini og dakong selebrasyon.
Photo Courtesy: Philstar News
