Nakahipos og 36 ka medalya ang mga weightlifter sa nasod sa bag-o lang nahuman nga 2026 East/Southeast Asia Subregional Championships nga gipahigayon sa Hainan, China. Gawas niini, aduna usab tulo ka special awards ug duha ka national records ang ilang nakab-ot.
Sumala sa Powerlifting Association of the Philippines (PAP), nikuha ang grupo og 22 ka gold, 10 ka silver, ug upat ka bronze medals. Lakip sa mga nakakuha og medalya sila si Adrian Perillo, James de Luna, Juan Teodoro Zabala, Jose Virgil Perez, Ryant Relos, Emilion Florendo, Audrick Khong Hun, John Sorima, Rayven Villasotes, Anya Pinzon, Jomara Chan, ug Clara Buenconsejo.
Nakakuha og bag-ong national ug individual lift records sila si Relos, Chan, ug Pinzon, samtang ang Philippine team ang nakakuha sa Best Team honors sa Men’s Open ug Men’s Masters I divisions. Samtang si Perez nahimong Best Lifter, ug si Zabala—nga kini pa ang unang pagsalmot sa international tournament—nikatap sa ikatulo nga pwesto sa Best Lifter rankings.
Photo courtesy: Powerlifting Association of the Philippines
