Gipagawas na ang opisyal nga petsa sa pag-stream sa labing bag-ong romance drama series nga Love Is Never Gone nga pagabidahan sa powerhouse tandem nila Joshua Garcia ug Ivana Alawi.
Sa maong serye gi-shoot pa sa mabulukong dapit sa Morocco diin gisagol ang tema sa gugma, pagbudhi, ug suspense.
Gidala ni Joshua ang karakter ni Teo, usa ka buotan nga anak nga nangandoy og nindot nga kinabuhi, apan siya nabiktima sa pagpanglimbong ni Yana (Ivana Alawi) nga nailang “Chameleon” o usa ka tuso nga kawatan. Bisan pa sa gihimong pagpang-ilad, nahulog ang pagbati sa duha human nasayran ni Teo nga gihimo kadto ni Yana tungod sa kawad-on ug aron matabangan ang masakiton niining inahan.
Paglabay sa mga tuig, human mapasaylo ug mibalik sa Pilipinas, si Teo misulay sa pagtukod pag-usab sa iyang kinabuhi, apan nadiskobrehan nga ang asawa ni Ace Verona (Jameson Blake) nga si Gem, mao ang imahe ni Yana.
Sa pagsulod niya sa kalibutan sa iyang inahan sa pagpangita sa hustisya, iyang nasayran ang makuyaw nga mga sekreto bahin sa pamilyang Verona ug ang makapakurat nga kamatuoran bahin sa sakripisyo ni Gem aron mapahigawas siya.
Kini nga serye nagpakita sa gugma, pagluib, ug sa korapsyon sa usa ka mapintas nga pamilya, si Teo napugos, sa tinguha nga makapanimalos, samtang ipakita niini nga serye kong sa unsang pamaagi pamatud-an niini ang gugma molahutay bisan paman taliwala sa pagluib.
Photo Courtesy: Joshua Garcia
