Personal nga nahinabi sa Juander Radyo Mati Team si Jeanne Eliver D. Rebalde, Acting Assistant Manager sa NFA Davao Oriental ug gihisgutan ang mga lakang sa ilang buhatan ilabina nga sa karun temporaryong gipahunong ang pagpamalit sa ₱20 nga kilo sa bugas.
Bisan pa sa maong kahimtang, gipasalig sa NFA Davao Oriental nga magpadayon ang pagpabaligya sa ₱20 nga bugas.
Sa pagkakaron, nagpaabot na lamang ang ilang buhatan sa dugang nga abiso gikan sa FTI kung kanus-a ipadayon pag-usab ang pagpamalit aron masiguro ang padayon nga suplay sa bugas.
Kabahin niini, gibutyag ni Rebalde nga sa karon adunay 21,000 nga sako sa bugas ug 22,000 ka sako sa palay nga naa sa ilang imbentaryo nga pwedeng magamit aron masuportahan ang padayon nga pagpabaligya sa bugas sa probinsya.
