Nagdugang ang nag-inusarang 8 division world boxing champion Manny Pacquiao og laing highlight sa iyang world record atol sa iyang pagbisita sa Estados Unidos diin iyang gilabay ang ceremonial first pitch adiser ang Major League Baseball kon MLB match tali sa New York Yankees ug sa Oakland Athletics Miyerkules, adlaw sa Pilipinas.
Gikan sa boxing ring ngadto na sa baseball diamond field, nahimong sayon lang alang sa 47-anyos nga si Pacquiao ang iyang paglabay ug iyang gipasabot nga kini tungod kay mao kini ang iyang unang sport niadtong elementarya pa siya.
Nasayrang iyang gilabay ang bola ngadto kang New York Yankee catcher JC Escarra nga maoy nakapahugyaw sa audience nga misaksi sa dula sa Yankees Stadium kondiin midaog ang Yankees, 5-3.
Dihang gi-interbyu, gipadayag ni Pacman nga dugay na sukad siya katapusang nakalabay og baseball sukad pa sa iyang elementarya, apan nalipay siya nga nabuhat niya kini pag-usab.
Gikumpirma usab ni Pacquiao nga ang iyang gipaabot nga rematch batok kang Floyd Mayweather Jr. magpadayon human nila napirmahan ang kontrata, ug giplano kini nga mahitabo sa Septyembre 19.
Sa iyang panaw sa Amerika mitan-aw usab siya og mga duwa sa LA Clippers, LA Kings, ug LA Galaxy kondiin sa matag-lugar nga iyang adtuan, nadawat niya ang pasidungog gikan sa mga fans.
Photo Courtesy: Manny Pacquaio
