Gimandoan ni PNP Chief Jose Melencio Nartatez Jr., ang tanang kapulisan nga higpit nga sundon ang standard operating procedures nga nakaangkla sa pagrespeto sa tawhanong katungod ug sa pagmando sa balaod.
Dugang pa ni Nartatez nga ang mga police commanders kinahanglan nga makig-alayon sa mga local government units, ilabi na sa lebel sa barangay aron mas epektibo nga mapatuman ang implementasyon sa mga ordinansa.
Gani, bisan pa man nga gipakusog ang mga pagpatuman sa mga ordinansa sa komunidad, gipahinumdoman ni Nartatez ang tanang pulis nga kinahanglan nilang muserbisyo ug manalipod sa katawhan.
Kalabot niini, ang Department of the Interior and Local Government (DILG) nagmando usab sa mas hugot o estrikto nga pagpatuman sa mga ordinansa sama na lamang sa pagdili sa pag-inom daplin sa kadalanan, shirtless roaming ug late-night videoke sessions.
Samtang nanawagan usab si Nartatez sa publiko nga makooperar ug motuman sa mga lagda aron mapadayon ang kahapsay ug kalinaw sa komunidad.
Photo Courtesy: PNP
