Sa pipila ka bantugang merkado sa India, usa ka talagsaong baligya ang nagpadayon, ang pagpamaligya sa mga pustiso o “dentures” nga gigamit na kaniadto sa mga tawo nga namatay na.
Sumala sa mga taho, kini nga mga pustiso ginakuha gikan sa mga ospital o bisan sa mga lubnganan, dayon limpiyohan ug ipailalom sa proseso sa pag-ayo aron mahimong magamit pag-usab. Human niini, ginabaligya kini sa mas barato nga presyo kumpara sa bag-ong dental treatment.
Ang hinungdan niini mao ang kakulang sa kwarta sa daghang katawhan. Alang sa milyon-milyon ka mga indibidwal nga dili makaya ang mahal nga serbisyo sa dentista, kini nga alternatibo mao ra ang ilang paglaom aron makakaon ug tarong ug mabalik ang ilang pahiyom.
Bisan pa man sa katingad-an nga gigikanan sa mga pustiso, daghan gihapon ang mopili niini tungod sa panginahanglan. Kini nga sitwasyon nagpakita sa dakong kalisod sa panglawas ug pinansyal nga kahimtang sa pipila ka komunidad.
kini nga istorya naghatag og lain-laing pagbati—tingali kahadlok o katingala—apan adunay lawom nga kahulugan. Nagpakita kini nga ang tawo usahay mohimo og dili kasagaran nga paagi aron masulbad ang problema, labi na kung kulang ang kapanguhaan.
Ang punto nag atong makuha niini mga kajuander, nga ang kahimtang sa kinabuhi makapugos sa tawo sa pagkamamugnaon, apan kinahanglan gihapon nga tagdon ang etika ug respeto sa patay. Importante nga balansehon ang panginahanglan ug ang hustong pagbuhat aron dili malapas ang dignidad sa uban, bisan pa sa ilang pagkamatay.
Photo Courtesy: Know More
