Usa ka lalaki ang nagpahimo og 12-foot nga bronze nga estatwa nga naka-middle finger atubangan mismo sa bintana sa iyang kanhing asawa isip pagbalos human sa ilang diborsyo.
Base sa report, gipalit niya ang yuta tupad sa balay sa iyang ex-wife ug didto gitukod ang estatwa nga adunay spotlight aron klarong makita bisan adlaw o gabii.
Mikabat og 7,000 dolyar ang gasto sa maong proyekto, ug matod sa lalaki, dili kini harassment kundili personal nga ekspresyon ug usa ka porma sa art.
Sa pikas nga bahin, kini nagpakita sa dili maayong paagi sa pag-atubang sa kasakit ug kasuko nga pagtapos sa relasyon. Imbis nga magpabilin ang respeto isip naghinigugmaay kaniadto, gipili niya ang pagpakita og kasuko nga makadaot sa iyang kaugalingon ug sa uban.
Ang leksyon niini mao nga importante ang pagkontrol sa emosyon mga kajuander, ug ang pagpili og hapsay ug matinahuron nga paagi sa pag-atubang sa problema. Dili kinahanglan ipakita sa publiko ang kasuko, kay mas maayo ang pagpasaylo ug pagpadayon sa kinabuhi kaysa magpabilin sa negatibong pagbati nga makasamot og kabug-at sa imong adlaw-adlaw nga pagkinabuhi.
