Nahimong viral karon sa tibuok kalibutan ang katingalahang hulagway sa usa ka higanteng eskultura nga gikulit sa kilid sa usa ka pangpang sa Colombia, nga nagpakita sa usa ka bata nga anaa pa sa sulod sa sabakan.
Ang maong obra, nga giulohan og “Mountain of Life”, binuhat sa lokal nga artist nga si Dubian Monsalve.
Nahimutang kini sa lungsod sa Santo Domingo, Antioquia, diin daghang mga negosyante ug biyahero ang natingala ug nakadayeg sa kamatuoran ug kahanas sa pagkahimo niini.
Sumala ni Monsalve, ang maong eskultura nagsilbing simbolo sa paghatag og bili sa kinabuhi, pagtuo, ug paglaum.
Gi-ukit niya kini isip usa ka pahinumdom sa kamahinungdanon sa matag tawo gikan pa sa pagsugod niini diha sa tagoangkan sa inahan.
Tungod sa pagkaylap sa mga hulagway niini sa social media, nahimo na kining usa ka sikat nga dapit alang sa mga turista nga buot makakita sa talagsaong kombinasyon sa arte ug kinaiyahan.
Giisip usab kini nga usa ka gamhanang mensahe alang sa katilingban mahitungod sa pagpanalipod sa kinabuhi.
Photo Courtesy: Aleteia
